အမျိုးသားနေ့ ၁၀၁ နှစ်ပြည့် လူထုလှုပ်ရှားမှု ရက်သတ္တပတ်

၁၀၁ နှစ်ပြည့်မြောက် အမျိုးသားနေ့အထိမ်းအမှတ်အဖြစ် လှုပ်ရှားမှုရက်သတ္တပါတ်အဖြစ်သတ်မှတ်ကာ စစ်အာဏာရှင်ဒေါက်တိုင်မျာကိုဖြိုချမည့် လှုပ်ရှားမှုတစ်ခုကို  စစ်အာဏာရှင်ဆန့်ကျင်သည့် တက်ကြွလှုပ်ရှားသူများမှ တိုက်တွန်းနှိုးဆော်ခဲ့ကြသည်။ စစ်အာဏာရှင်စီးပွားရေးကို လူထုအားဖြင့် ဖြိုကြရန်ဆိုသည့် ရည်ရွည်ချက်ဖြင့် ရန်ကုန်ပြည်သူလူထုအား စစ်အာဏာရှင်နှင့် ပတ်သက်ဆက်နွယ်သည့် စစ်တပ်ပိုင် YBS ပါရမီယာဥ်လိုင်းများနှင့် အာဏာရှင်ဟောင်းမိသားစုပိုင်ဆိုင်သော Omni Focus – YBS ယာဥ်လိုင်းများကို ၂၀၂၁ ခုနှစ် နိုဝင်ဘာ ၂၇ ရက်နေ့မှ ဒီဇင်ဘာ ၄ ရက်နေ့ထိ  ရက်သတ္တပါတ်တစ်ပတ်ကြာ မစီးနင်းခြင်း ၊ စစ်တပ်ထုတ်ကုန်များ အားမပေးခြင်း ၊ စစ်တပ်ပိုင် တယ်လီကွန်းဖြစ်သည့် မိုင်တဲလ် ဖုန်းဆင်းမ်ကဒ်မသုံးခြင်း နှင့် ခေါ်ဆိုမှုမပြုလုပ်ကြခြင်း စသည် လှုပ်ရှားမှုများတွင်ပါဝင်ကြရန် နှိုးဆော်ခဲ့ကြသည်။