သွေးစွန်းငွေဖြတ်တောက်ရေးလှုပ်ရားမှု – Blood Money Campaign

သွေးစွန်းငွေဖြတ်တောက်ရေးလှုပ်ရှားမှုသည် မြန်မာနွေဦးတော်လှန်ရေးတွင် မှတ်တမ်းတင်ဖော်ပြရမည့်  လှုပ်ရှားမှုဖြစ်ပြီး အာဏာသိမ်း စစ်တပ်၏ နိုင်ငံခြား ဝင်ငွေများ ရပ်စဲရန် ၊ နိုင်ငံတကာစီးပွားရေးလုပ်ငန်းမျာနှင့် စစ်တပ်ဖြင့် လက်တွဲလုပ်ဆောင်ခြင်း များ ရပ်တန့်ရန် အထူးသဖြင့် မြန်မာ့ရေနံနှင့် သဘာဝဓါတ်ငွေ့လုပ်ငန်း (Myanmar Oil and Gas Enterprise – MOGE ) နှင့် ချိတ်ဆက်လုပ်ကိုင်နေသော ရေနံကုမ္မဏီများ ဆက်လက်မလုပ်ဆောင်ရန် ၊ အကြမ်းဖက် စစ်အုပ်စု၏ စီးပွားရေးထောက်တိုင်များကို ပစ်မှတ်ထားတားဆီးနိုင်ရန်  ရည်ရွယ်ချက်ဖြင့် လှုပ်ရှားမှုပေါင်းများစွာ ပြုလုပ်ကာ လုပ်ဆောင်ခြင်းဖြစ်သည် ။ သွေးစွန်းငွေဖြတ်တောက်ရေးလှုပ်ရှားမှုကို  ၈ လေးလုံး ၃၃ နှစ်ပြည့်ဖြစ်သည့် ၂၀၂၁ ခုနှစ် ဩဂုတ် ၈ ရက်နေ့တွင်  စတင်လုပ်ဆောင်ခဲ့ပြီး လူမှုကွန်ရက်စာမျက်နှာများတွင် ဓါတ်ပုံကမ်ပိန်းများ ၊ လတ်မှတ်ရေးထိုးကန့်ကွက်သည့် ကမ်ပိန်းများ (Signature Campaign) ၊  တွစ်တာစာမျက်နှာတွင် နို်င်ငံတကာမှ ဖတ်ရှသူများ သတိထားမိစေရန် ရေးသားသည့် (Twitter Mass trending ) ကမ်းပိန်များ  ၊ အွန်လိုင်းဆန္ဒထုတ်ဖော်ပွဲများ ၊ နိုင်ငံတကာရောက် မြန်မာများနှင့် မြန်မာအရေးလှုပ်ရှားသူများမှ ၎င်းတို့၏ သက်ဆိုင်ရာနိုင်ငံအသီးသီးတွင် မြေပြင်ထက်  လူထုစည်းရုံးပွဲများပြုလုပ်၍ ဆန္ဒထုတ်ဖော်ပြသခြင်းများ စသည့်  လှုပ်ရှားမှုများကို စဉ်ဆက်မပြတ် ပြုလုပ်ခဲ့သည်။