ပထမအကြိမ် တိတ်ဆိတ်ခြင်းဖြင့် ဆန္ဒပြခြင်း (အသံတိတ် သပိတ် – First Silent Strike)

အသံတိတ်သပိတ်သည် အကြမ်းမဖက် လူထုအာဏာဖီဆန်လှုပ်ရှားမှု၏ နည်းနာတစ်ခုဖြစ်ခဲ့ပြီး မြန်မာ နွေဦီးတော်လှန်ရေး၏ မှတ်ကျောက် တင်နိုင်ခဲ့ရသည့် လှုပ်ရှားမှုကြီးဖြစ်ခဲ့သည်။ အသံတိတ် သပိတ်ကို  ကျောင်းသား နှင့် လူငယ်အင်အားစုများ ၊ တိုင်းရင်းသားလူမျိုးပေါင်းစုံပါဝင်သော အထွေထွေ သပိတ်ကော်မတီ တို့မှ   စတင် ဦးဆောင် လှုပ်ရှားခဲ့ခြင်းဖြစ်သည် ။

ပထမအကြိမ် ပြုလုပ်သည့်  အသံတိတ် သပိတ်ကို  ကျဆုံးသွားသည့် သူရဲကောင်းများအတွက် ငြိမ်သက်တိတ်ဆိတ်ပေးခြင်း ၊ ကုန်ခမ်းနေသော အားအင်များကို ပြန်လည်ဖြည့်တင်းရန် အနားယူခြင်း ၊ စစ်သွေးကြ အကြမ်းဖက်အုပ်စုများ၏ ပုံမှန်အတိုင်း ပြန်ဖြစ်သွားမည်ဆိုသော စကားကို ချေဖျက်ဆန့်ကျင့်ခြင်း ဆိုသည့် ရည်ရွယ်ချက်များဖြင့် ပြုလုပ်ခဲ့ကြသည် ။ “တိတ်ဆိတ်ခြင်းသည် အကျယ်လောင်ဆုံးသော ဟစ်ကြွေးသံ” ဆိုသည့် ဆောင်ပုဒ်ဖြင့်  ၂၀၂၁ ခုနှစ် မတ်လ ၂၄ ရက်နေ့တွင် ပထမဆုံးအကြိမ် အဖြစ် ပြုလုပ်ခဲ့ပြီး  မြန်မာတစ်နိုင်ငံလုံးရှိ အများစုသော ဈေးများ ၊ ရုံးဌာနများ ၊ ဘဏ်များ ၊ ဈေးများ ၊ ကုန်စုံစိုင် စတိုးများ ၊ စက်ရုံ ၊ လုပ်ငန်းရုံများကို ပုံမှန်ယန္တရားမျာမလည်ပတ်ပဲ တစ်ရက်တာရပ်တန့်ခြင်း ၊ လမ်းမများတွင်  သွားလာမှု မပြုလုပ်ပဲ မိမိတို့နေအိမ်ထဲသာ နေထိုင်ခြင်း  ၊ နေ့စဉ်ပုံမှန်အတိုင်း လုပ်ဆောင်မြဲဖြစ်သော  စီးပွားရေးလုပ်ငန်းများ ကို ဝန်ထမ်းများမှ သွားရောက်လုပ်ကိုင်ခြင်းမရှိပဲ  ခွင့်ယူခြင်း စသဖြင့် မြန်မာလူထုမှ ပူးပေါင်းပါဝင် လှုပ်ရှားခဲ့ကြသည်  ။ အာဏာသိမ်း စစ်ကောင်စီဘက်မှ  ရပ်ကွက်များ နှင့် လမ်းမများတွင် ပုံမှန်ဈေးသွားလာခြင်း၊ အပြင်သွားလာခြင်းများကို ပုံမှန်ပြုလုပ်သွားကြရန်  အသံချဲ့စက်များဖြင့်  လိုက်လံကြေညာခဲ့ခြင်းမျိုး ရှိခဲ့သော်လည်း ထိုနေ့တွင် လမ်းမများ ၊ ဈေးများ ၊ စက်ရုံ အလုပ်ရုံများ ပိတ်ခြင်းဖြင့် တိတ်ဆိတ်မှုကို ပြသခဲ့ကြသည်။