တတိယအကြိမ် တိတ်ဆိတ်ခြင်းဖြင့် ဆန္ဒပြခြင်း (အသံတိတ် သပိတ် – Third Silent Strike)

စစ်အာဏာသိမ်းမှု တစ်နှစ်ပြည့်မည့် ၂၀၂၂ ခုနှစ် ဖေဖော်ဝါရီလ ၁ ရက်နေ့တွင် ဆန့်ကျင့်သည့် လှုပ်ရှားမှု တစ်ခုအဖြစ် မြန်မာနွေဦးတော်လှန်ရေး၏ အရေးပါသော အခန်းကဏ္ဍတွင် ဦီးဆောင်ဦီးရွက်ပြုနေသော သပိတ်ခေါင်းဆောင်များ ၊ လူငယ် နှင့် ကျောင်းသားအင်အားစုများ ၊ ၊ တက်ကြွားလှုပ်ရှားသူများအကြားတွင်   တတိယအကြိမ်မြောက် အသံတိတ်လှုပ်ရှားမှုပြုလုပ်ရန် ကြိုးပမ်းခဲ့ကြသည် ။ အထွေထွေ သပိတ် ပေါင်းစပ် ညှိနှိုင်းရေး အင်အားစု (General Strike Coordination Body) မှ ဦးဆောင်၍ စစ်အာဏာသိမ်းမှု တစ်နှစ်ပြည့်အနေဖြင့်  “ပြည်တော်ဝင်ဖို့ ရုန်းကြစို့”  ဆိုသည့် ခေါင်းစဉ်ဆောင်ပုဒ်ဖြင့်  ပြုလုပ်ခဲ့ကြသည် ။ ထို့နေတွင် “အဆုံးသတ်တိုက်ပွဲ ဒို့ဆင်နွှဲ” ၊ “လုံးဝ အုပ်ချုပ်ခွင့်မရစေရ” စသည့် ဆောင်ပုဒ်များအသုံးပြုပြီး ပြည်သူလူထုတစ်ရပ်လုံးအား မနက် ၁၀ နာရီမှ ညနေ ၄ နာရီထိ လမ်းမပေါ်သို့မထွက်ကြပဲ တိတ်ဆိတ်ငြိမ်သက်ခြင်း သပိတ်တွင် ပူးပေါင်းပါဝင်ကြရန် နှင့် ညနေ ၄ နာရီ တိတိတွင် လက်ခုတ်တီးခြင်း ပြုလုပ်ရန် ကျောင်းသား နှင့် လူငယ် သပိတ်ခေါင်းဆောင်များ ၊ လှုပ်ရှားတက်ကြွသူများ နှင့်  စစ်အာဏာရှင်ဆန့်ကျင်သူများမှ လူမှုကွန်ရက်မီဒီယာများ နှင့် သတင်းမီဒီယာများမှ တဆင့် လှုံ့ဆော်တိုက်တွန်းခဲ့ကြသည် ။ တတိယကြိမ်မြောက် အသံတိတ်သပိတ်ကို တစ်နိုင်ငံလုံးမှ ပြည်သူလူထုအများစုမှ ပါဝင်ဆင်နွှဲခဲ့ကြပြီး နိုင်ငံတကာမီဒီယာတချို့မှ အာဏာသိမ်းမှုတစ်နှစ်ပြည်အ့ဖြစ် အကြမ်းမဖက်အာဏာဖီဆန်မှုများ မြန်မာလူထုမှ ပြုလုပ်နေသေးကြောင်း ဖော်ပြခြင်းခံခဲ့ရသည် ။