🇲🇲 DIGITAL COUP QUARTERLY ( May 2022 to July 2022)

နိရဉ္စရာသတင်းဌာနကို စစ်ကောင်စီဝင်ရောက်ရှာဖွေခြင်း

  စစ်ကောင်စီအနေဖြင့် ရခိုင်ပြည်နယ်အခြေစိုက် သတင်းဋ္ဌာနတစ်ခုဖြစ်သည့် နိရဉ္စရာသတင်းဌာနကို မေလ (၇) ရက်နေ့ မနက်ပိုင်းတွင် ဝင်ရောက်ရှာဖွေမှုများ ပြုလုပ်ခဲ့တာကိုတွေ့ရပါတယ်။ စစ်ကောင်စီ၏ ဝင်ရောက်ရှာဖွေမှု ပြုလုပ်ခြင်းများကြောင့် သတင်းဋ္ဌာနအနေနှင့် သတင်းထုတ်လုပ်မှုအား ယာယီရပ်ဆိုင်းထားကြောင်းကို  နိရဉ္စရာသတင်းဌာန ၏ လူမှုကွန်ယက်စာမျက်နှာတွင် ထုတ်ဖော်ကြေငြာခဲ့ပါတယ်။  

စစ်ကောင်စီဟာ အာဏာသိမ်းမှုနောက်ပိုင်းမှာ သတင်းမီဒီယာများ၏ လွတ်လပ်စွာ သတင်းရေးသားနိုင်မှုအပေါ် ပြင်းထန်စွာ ဖိနှိပ်မှုများကြောင့် ဒေသတွင်း သတင်းဋ္ဌာနများ အနေဖြင့် ဆက်လက်ရပ်တည်ရန် ခက်ခဲလာပြီး အချို့သော ဒေသတွင်း သတင်းမီဒီယာများမှ ရပ်တန့်ခဲ့ရသလို ထင်ရှားသည့် သတင်းမီဒီယာကြီးများအနေဖြင့် သတင်းများ ဆက်လက်တင်ဆက်နိုင်ရေးအတွက် မူလ ရုံခန်းနေရာများမှ ပြောင်းရွေ့ပြီး ခက်ခက်ခဲခဲ ဆက်လက် ရုန်းကန်နေကြရတာကိုတွေ့ရပါတယ်။

IMEI နံပါတ်များမှတဆင့် မိုဘိုင်းဖုန်းအသုံးပြုသူများအား ထိန်းချုပ်ရန် ကြိုးပမ်းမှု 

            စစ်ကောင်စီအနေဖြင့် နေပြည်တော် စီမံကိန်းနှင့် ဘဏ္ဍာရေးဝန်ကြီးဋ္ဌာန ရုံးအမှတ် (၂၆) တွင် မေလ (၁၁) ရက်နေ့က ကျင်းပခဲ့သည့် အခွန်ကောက်ခံရေး အစည်းအဝေးအတွင်း မိုဘိုင်းဖုန်းတိုင်းတွင် ပါဝင်သည့် IMEI များမှ တဆင့် အခွန်ကောက်ခံရန် နှင့် အခွန်ကောက်မှတ်ပုံတင်များ ပြုလုပ်ရန်တို့ကို ဆွေးနွေးခဲ့သည်ကို တွေ့ရပါတယ်။ စီမံကိန်းနှင့်ဘဏ္ဍာရေး ဒုဝန်ကြီး၊ ဒုတိယအတွင်းဝန်၊ ညွှန်ချူပ်၊ ပို့/ဆက် ဒုဝန်ကြီး အပါအဝင် အရာရှိများ တက်ရောက်ခဲ့သည့် ယင်းအစည်းအဝေးအတွင်း လည်းကောင်း စီမံကိန်းကို ဦးဆောင်လုပ်ကိုင်လိုသည့် Solutions Hub Company  အနေဖြင့် လုပ်ငန်းဆိုင်ရာ အဆင့်ဆင့်တို့ကိုလည်း ရှင်းလင်းပြောပြခဲ့သည်ဟု သတင်းရင်းမြစ်များမှ ဖော်ပြထားတာကိုတွေ့ရပါတယ်။  

ထိုကဲ့သို့ အများပြည်သူအသုံးပြုသည့် မိုဘိုင်းဖုန်းပါ IMEI နံပါတ်များအား မှတ်ပုံတင်စေခြင်းအားဖြင့် မိုဘိုင်းဖုန်းအသုံးပြုသူများ၏ သွားလာမှုများကိုပါ အချိန်နှင့် တပြေးညီ ခြေရာခံနိုင်မည်ဖြစ်ရာ ယင်းလုပ်ဆောင်မှုသည် စစ်ကောင်စီ၏ ဒီဂျစ်တယ်အာဏာရှင်စနစ် အကောင်အထည်ဖော်မှုအတွက် များစွာ အထောက်အကူ ဖြစ်စေမည့် ပံ့ပိုးမှုတစ်ခုဖြစ်ပြီး လူသားတိုင်း ရရှိရမည့်အခြေခံလွတ်လပ်ခွင့်များကိုပါ ထိခိုက်စေသည့် လုပ်ဆောင် ပုံဖော်မှု ဖြစ်သည်။

              ထိုကဲ့သို့ မိုဘိုင်းဖုန်း IMEI မှ တဆင့် ထိန်းချုပ်မှုများကို ပြုလုပ်ရန် ကြိုးပမ်းနေကဲ့သို့ ပြည်သူလူထု၏ သွားလာလှုပ်ရှားမှုများအား ခြေရာခံနိုင်စေရန်ဟု ရည်ရွယ်ပုံရသည့် Mobile Application တစ်ခုကိုလည်း ရန်ကုန်မြို့တော် နယ်နိမိတ်အတွင်း သွားလာလှုပ်ရှားသူများအတွက် ရည်ရွယ်၍ အကောင်ထည်ဖော်ရေးဆွဲနေသည်ကို တွေ့ရသည်။ ယင်း မိုဘိုင်း Application အား ယာဉ်စည်းကမ်းဖောက်ဖျက်မှုများကို အချိန်မီ သိရှိနိုင်ရန် ဆိုသည့် အကြောင်းပြချက်ဖြင့် အကောင်အထည်ဖော်ရန် လုပ်ဆောင်နေခြင်းဖြစ်သော်လည်း ယင်းထက်ပိုမိုသည့် ရည်ရွယ်ချက်များ ရှိနေမည်ဖြစ်ကြောင်း အွန်လိုင်းသုံးစွဲသူများမှ ထင်မြင်ယူဆကြသည်။

ပြည်သူ့ကာကွယ်ရေးတပ်ဖွဲ PDF များ၏ (Facebook) လူမှုကွန်ရက်စာမျက်နှာများ တိုက်ခိုက်ခံရခြင်း

စစ်ကောင်စီလက်အောက်ခံ နည်းပညာသမား အချို့ပါဝင်လုပ်ဆောင်ပုံရသည့် ပြည်သူ့ကာကွယ်ရေး တပ်ဖွဲ့ PDF များ၏ (Facebook) လူမှု ကွန်ယက်စာမျက်နှာများတိုက်ခိုက်ခံရမှု ဖြစ်စဉ်များလည်း မေလလယ်လောက်တွင် ကြုံတွေ့ခဲ့ကြရသည်။ ထိုသို့ တိုက်ခိုက်မှု လုပ်ဆောင်ရာတွင် Page များအား Report ထုပြီး ပျက်စီးစေရန် လုပ်ဆောင်ခြင်း ၊ နည်းပညာအား အသုံးပြုပြီး Page များအား ရယူရန် အားထုတ်ခြင်း စသည့် ပုံစုံမျိုးစုံဖြင့် လုပ်ဆောင်ခြင်း ခံခဲ့ရကြောင်း ယင်းအဖွဲ့များမှ သတင်းဋ္ဌာနများသို့ ဖြေကြားခဲ့သည်ကို တွေ့ရှိရသည်။

ဖယ်ခုံမြိုနယ်အတွင်း ဆင်ခြေဖုန်းဒေသများတွင် လျှပ်စစ်မီးနှင့် အင်တာနက်များ ဖြတ်တောက်ခံရခြင်း နှင့် ဆောမြို့နယ်အတွင်း အင်တာနက် ဖြတ်တောက်မှု ဖြစ်စစဉ်

မေလ (၁၆) ရက်နေက ရှမ်းပြည်နယ်နှင့် ကယားပြည်နယ် နယ်စပ် ဖယ်ခုံမြိုနယ်အတွင်း စစ်ကောင်စီနှင့် ဒေသကာကွယ်ရေး တပ်ပဖွဲများအကြား တိုက်ပွဲများ ဆက်တိုက်ဖြစ်ပွဲခဲ့ပြီးနောက် ယင်းဒေသအတွင်းရှိ ဆင်ခြေဖုံးနေရာများတွင် စစ်ကောင်စီက လျှပ်စစ်မီးနှင့် အင်တာနက် ဖြတ်တောက်ခြင်းများ ပြုလုပ်ခဲ့သည်ကို တွေ့ရသည်။ စစ်ကောင်စီသည် အာဏာသိမ်းမှု စတင်စဉ်အတည်းက အင်တာနက်ဖြတ်တောက်မှုကို လက်နက်တစ်ခုသဖွယ် လိုအပ်သလို အသုံးပြုလျှက်ရှိပြီး စစ်ကိုင်းတိုင်းအတွင်းရှိ မြို့နယ်အများအပြား အပါအဝင် တော်လှန်ရေတပ်ဖွဲ့များနှင့် တိုက်ပွဲပြင်းထန်ရာဒေသများတွင် ကာလကြာရှည်အင်တာနက်ဖြတ်တောက်ခြင်း၊ အချိန်ပိုင်း အင်တာနက်ဖြတ်တောက်ခြင်း စသည့် ပုံစံမျိုးစုံဖြင့် လိုအပ်သလို ထိန်းချုပ်ကိုင်တွယ် နေသည်ကိုတွေ့ရသည်။

ထို့အပြင် စောမြို့နယ် ကြံခင်းရွာအတွင်း စစ်ကောင်စီ တပ်သားများ တပ်စွဲချိန်တွင် ၎င်းတို့ တပ်စွဲရာ (၃) မိုင်ပါတ်လည်အတွင်း အင်တာနက်လိုင်းများ ဖြတ်တောက်ခဲ့သည်ကိုလည်း ဒေသခံ သတင်းရင်းမြစ်များဆီမှ သိရှိခဲ့ရသည်။

စစ်ကိုင်းတိုင်းအတွင်း အင်တာနက်လိုက်များသာမက ဖုန်းလိုက်များပါ ဖြတ်တောက် 

မေလ ၂၄ ရက်နေ့တွင် စစ်ကိုင်းတိုင်းအတွင်း စစ်ကောင်စီနှင့် တိုက်ပွဲဖြစ်ပွားနေသည့် ကန့်ဘလူ၊ မြင်းမူ၊ ကျွန်းလှ၊ မုံရွာ၊ ခင်ဦး၊ရေဦး၊ ကောလင်း အပါအဝင် စစ်ကိုင်းတိုင်းအတွင်းရှိ မြို့နယ်များတွင် အင်တာနက်သာမက ဖုန်းလိုင်းများပါ ဖြတ်တောက်ခဲ့သည်ကိုတွေ့ရသည်။ 

ထို့အပြင် မေလ ၂၈ ရက်နေ့က စစ်ကောင်စီ စစ်ကြောင်းထိုးစဉ်အတွင်း စစ်ကိုင်းတိုင်း မုံရွာ – အမြင့် လမ်းနယ်တွင် ဖုန်းလိုင်းများ ဖြတ်တောက်ခဲ့သည့် ဖြစ်စဉ်တစ်ခုလည်း ရှိခဲ့သည်ကိုတွေ့ရသည်။ ထို့အပြင် စစ်ကိုင်းတိုင်းထဲက မုံရွာ၊ ကနီ၊ ပုလဲ၊ ယင်းမာပင်၊ ဆားလင်းကြီး စတဲ့ ငါးမြို့နယ်၊ မကွေးတိုင်းထဲက ပေါက်၊ ရေစကြို၊ ဂန့်ဂေါ၊ ထီးလင်း၊ မြိုင် စတဲ့ ငါးမြို့နယ်တို့ကိုလဲ ယင်း မေလ (၂၈) ရက်နေ့မှာပဲ ဖုန်းလိုင်းတွေ ဖြတ်တောက်ခဲ့ပါသေးတယ်။